..................................................... ......................
Welcome to MANSOOR MEHDI   Click to listen highlighted text! Welcome to MANSOOR MEHDI

برطانوی باکسر انتھونی جوشوا ورلڈ ہیوی ویٹ چیمپئن بن گئے

برطانوی باکسر انتھونی جوشوا نے یوکرین کے ولادیمرکلٹشکو کو 11 ویں راؤنڈ میں ناک آؤٹ کر کے عالمی نمبر ون کا اعزاز اپنے نام کر لیا۔

غیرملکی خبررساں ادارے کے مطابق لندن کے ویمبلے اسٹیڈیم میں 90 ہزار شائقین کے سامنے برطانوی باکسر انتھونی اور ان کے یوکرائنی حریف ولادیمیر کلٹشکو کے درمیان کانٹے دار مقابلہ ہوا، میچ کے 5 ویں راؤنڈ میں جوشوا نے کلشٹکو کو پے در پے وار کرکے زمین پر گرا دیا تاہم یوکرائنی باکسر نے خود کو سنبھالا اور چھٹے راؤنڈ میں مکوں کی بارش کرتے ہوئے جوشوا کو زمین پر گرکر اپنا بدلہ لیا۔

گیارہویں راؤنڈ میں یوکرین کے باکسر ولادیمیر کلٹشکو بے حال نظر آئے اور انتھونی نے موقع کا فائدہ اٹھاتے ہوئے 3 بار اپنے حریف کو زمین چاٹنے پر مجبور کیا، اسی راؤنڈ میں انتھونی کے ایک زور دار مکے نے ولادیمیر کو ناک آؤٹ ہونے پر مجبور کر دیا اور ریفری نے انتھونی جوشوا کو فاتح قرار دے دیا۔

ورلڈ ہیوی ویٹ چیمپئن کا اعزاز حاصل کرنے کے بعد انتھونی کا کہنا تھا کہ باکسنگ کے کھیل میں کہا جاتا ہے کہ رنگ میں آنے سے پہلے اپنے غرور کو رنگ سے باہر ہی چھوڑ کر آنا چاہیئے اور اپنے حریف کی عزت کرنی چاہیئے اور یہی وجہ ہے کہ میں ولادیمیر کو مات دے کر بھی ان کی عزت اور احترام کرتا ہوں۔

واضح رہے کہ 27 سالہ انتھونی جوشوا نے گزشتہ 18 مقابلوں میں تمام حریفوں کو ناک آؤٹ کی بنیاد پر مات دے کر جیتے۔

جواب دیجئے

x

Check Also

12 سالہ لڑکی کے ریپ کے بدلے میں 17 سالہ لڑکی کا ریپ

پاکستان کے صوبہ پنجاب کے شہر ملتان کے علاقے مظفرآباد میں ایک ہی خاندان کے ...

............................. ...........................................
%d bloggers like this:
Click to listen highlighted text!